Fréttir

Mannréttindalögfræðingurinn Damon Barrett flytur opinberan fyrirlestur um mannréttindi og stríðið gegn fíkniefnum, þann 19. febrúar kl 16:30-18:00, í stofu 101 Lögbergi. Fyrirlesturinn er samstarfsverkefni Félags- og mannvísindadeildar Háskóla Íslands og Snarrótarinnar, samtaka um borgaraleg málefni.

Þann 28. janúar kynnti Velferðarvaktin skýrslu um stöðu efnalítilla barnafjölskyldna og þeirra sem búa við sára fátækt, ásamt tillögum til úrbóta, en skýrslan var afhent félags- og húsnæðismálaráðherra. Tillögurnar eru sex talsins og fjalla um barnabætur og barnatryggingar, viðmið um lágmarksframfærslu, húsnæðismál, grunnþjónustu, samhæfingaraðila máls, samvinnu við frjáls félagasamtök og verkefnasjóð.

Siðmennt boðar til málþings um líknardauða fimmtudaginn 29. janúar næstkomandi kl. 17:00 til 18:30 á Hótel Sögu.

Rauði krossinn í Kópavogi óskar eftir sjálfboðaliðum í verkefnið Alþjóðlegir foreldrar. Markmið verkefnisins er að rjúfa félagslega einangrun innflytjenda sem eiga börn á aldrinum 0-6 ára.

Mannréttindaskrifstofa Íslands fagnar endurnýjun samnings við Velferðarráðuneytið um lögfræðiráðgjöf til innflytjenda sem undirritaður var 12. Janúar síðastliðinn. Á síðasta ári veitti Mannréttindaskrifstofan 513 viðtöl og má sjá talsverða fjölgun milli ára.

Á heimasíðu innanríkisráðuneytisins má nú finna nýútkomna uppfærslu leiðarvísis um meðferðarhæfi kærumála til Mannréttindadómstóls Evrópu (MDE).

Mannréttindaskrifstofa Íslands er samstarfsaðili við félagasamtökin League of Human Rights í Tékklandi. Verkefnið lýtur að uppbyggingu þekkingarvefs um skóla án aðgreiningar og kennsluaðferða sem miða að því að bjóða Róma börn velkomin í almennt skólakerfi.

Þann 10.desember 1948 samþykkti Allsherjarþing S.Þ. Mannréttindayfirlýsinguna og síðan þá hefur verið haldið upp á alþjóðlega Mannréttindadaginn 10.desember ár hvert. Þema dagsins í ár er Mannréttindi 365 daga ársins (#rights365) og minnir á að allir, alls staðar og alltaf eigi rétt á að njóta mannréttinda til fullnustu.

Bréfamaraþon Íslandsdeildar Amnesty International fer fram á laugardaginn á milli 13:00 og 18:00 á skrifstofu samtakanna að Þingholtsstræti 27, þriðju hæð. Meðal málefna sem tekin eru fyrir í ár er blátt bann við fóstureyðingum í El Salvador. Boðið verður upp á kaffi og kruðerí og Sigríður Thorlacius, Guðmundur Óskar Guðmundsson og Svavar Knútur sjá um tónlist. Hvetjum alla til að mæta og styðja gott málefni!