Viðburðir

Fyrsta hádegismálþing Mannréttindaskrifstofu Íslands á árinu verður haldið fimmtudaginn 7. mars klukkan 12:00-13:00 í fyrirlestrasal Þjóðminjasafns Íslands. Málþingið að þessu sinni fjallar um mannúðarlög og munu Dr. Þórdís Ingadóttir og Dr. Nele Verlinden flytja sitt hvort erindið og Margrét Steinarsdóttir, framkvæmdastýra skrifstofunnar, stýrir umræðum í kjölfarið.

Menningar- og friðarsamtökin MFÍK, Félagið Ísland-Palestína og fleiri samtök standa að Kvennagöngu fyrir Palestínu á alþjóðlegum baráttudegi kvenna. Munu konur og kvár safnast saman á Arnarhóli kl. 16:40 og verður gengið klukkan 17:00 sem leið liggur í PORTIÐ í gamla Kolaportinu, þar sem haldinn verður baráttufundur.

Mannflóran leitar af ungu fólki af erlendum uppruna á aldrinum 14-25 ára til að taka þátt í rafrænni vinnustofu um andrasisma sem hluti af Evrópuviku gegn rasisma 2024! Mannréttindaskrifstofa Íslands / Icelandic Human Rights Centre heldur utan um Evrópuvikuna gegn rasisma, og niðurstöður vinnustofunnar verða nýttar í samfélagsmiðlaherferð sem vitundarvakning í átakinu.

Annað hádegismálþing Mannréttindaskrifstofu Íslands á árinu verður haldið fimmtudaginn 18. apríl klukkan 12:00-13:00 og verður vefmálþing á Zoom að þessu sinni. Hörður Helgi Helgason lögmaður og Henry Alexander Henrysson heimspekingur flytja sitthvort erindið um gervigreind.

Þriðja hádegismálþing Mannréttindaskrifstofu Íslands og Mannréttindastofnunar HÍ, föstudaginn 31. maí 12:00-13:00 í Fyrirlestrarsal Þjóðminjasafnsins

Í tilefni af 50 ára afmæli Íslandsdeildar Amnesty International verður haldið málþing um mikilvægi mannréttinda í Norræna húsinu föstudaginn 13. september kl. 12-13. Fyrirlesarar verða aðalframkvæmdastjóri Amnesty International, Agnès Callamard, auk mannréttindalögfræðinganna Katrínar Oddsdóttur og Kára Hólmars Ragnarssonar.

Mannréttindaþing Mannréttindaskrifstofu Íslands 2024 verður haldið fimmtudaginn 19. september klukkan 13:00-16:00 á Hilton Nordica Hótel.