Rannsóknir

Hér verða birtar niðurstöður sérstakra rannsókna sem unnin eru af eða á vegum Mannréttindaskrifstofu Íslands.

Í september endurtók MRSÍ könnun sem fyrst var gerð árið 2009 í samstarfi við velferðarráðuneytið (þá félags- og tryggingamálaráðuneyti). Könnunin snýst um að kanna viðhorf til ýmissa þjóðfélagshópa sem hætt er við að sæti mismunun en hún var styrkt af PROGRESS áætlun ESB og framkvæmd af Capacent Gallup. Könnunin greindi mismunun út frá sex forsendum. Það eru kynferði, fötlun, kynhneigð, trú, aldur og uppruni/kynþáttur. Athugað var hvort viðhorf almennings til framangreindra hópa hafi breyst á þessum þremur árum.

Rannsóknin sem skýrsla þessi byggir á veitir upplýsingar um fyrirkomulag forsjár barna af erlendum uppruna. Við og við heyrast sögusagnir þess eðlis að foreldri telji sig hafa verið blekkt til að skrifa undir samning sem afsalar því forsjá vegna skorts á íslenskukunnáttu eða að barn sé notað sem vopn í skilnaðardeilum fólks í samböndum einstaklinga af íslenskum uppruna og erlendum.