Íslensk rit

Mannréttindaskrifstofa Íslands hefur gefið út ritið Réttarstaða eldra fólks. Ritið er aðeins að finna á rafrænu formi en framkvæmdastjórn skrifstofunnar ákvað árið 2012 að gefa rit skrifstofunnar framvegis út á netinu. Var ákvörðunin fyrst og fremst tekin á grundvelli umhverfisverndarsjónarmiða. Í upphafi ritsins er fjallað um þróun löggjafar í málefnum eldra fólks, bæði innlenda og alþjóðlega. Þá kemur kafli um réttaröryggi eldra fólks þar sem fjallað er m.a. um stjórnskipulag málefna eldra fólks, mannréttindi eldra fólks og úrræði til að tryggja réttaröryggi þeirra. Ritinu er svo skipt í kafla eftir einstökum réttindum, svo sem réttinum til framfærslu- og félagsþjónustu og réttinum til heilbrigðisþjónustu. Inntak réttarins er svo skilgreint út frá þeim innlendu og erlendu réttarheimildum sem við eiga þar sem sérstök áhersla er lögð á að draga fram þær réttarheimildir sem lúta að eldra fólki.

Ritinu er ætlað að vera yfirlit yfir hatursorðræðu og hatursáróður, ástand mála hér á landi og löggjöf landsins er lýtur að þessum málum.

Tilgangur þessarar skýrslu er einkum að kanna réttarstöðu TS einstaklinga á Íslandi með það að markmiði koma með tillögur að úrbótum í málaflokknum.

Tilgangur bókarinnar er að upplýsa bæði stjórnvöld og almenning um efnahagsleg, félagsleg og menningarleg réttindi og nauðsyn þess að þau séu virt bæði þegar vel árar og ekki síður á erfiðum samdráttarskeiðum.

Á vordögum 2011 kom út handbókin Bann við mismunun og er tilgangur ritsins að kynna tilskipanir ESB um jafnrétti óháð kynþætti, þjóðernisuppruna, trú/lífsskoðun, aldri, fötlun og kynhneigð og þá hugmyndafræði sem þar liggur að baki.

Gefin út af Mannréttindaskrifstofa Íslands.

e. Brynhildi G. Flóvenz, Háskólaútgáfan, Reykjavík, 2005.

e. Brynhildi G. Flóvenz, Háskólaútgáfan, Reykjavík, 2005.

Kvennasáttmáli Sameinuðu þjóðanna varð 30 ára í desember 2009. Í tilefni þess gaf Mannréttindaskrifstofa Íslands út nýtt fræðslurit um Kvennasáttmálann, í samstarfi við Jafnréttisstofu, Félags- og tryggingamálaráðuneyti, UNIFEM á Íslandi og Utanríkisráðuneyti.