Flýtilyklar
Úttekt á stöðu innflytjenda á Íslandi
MIPEX 2020, BIRTING NIÐURSTAÐNA
Hversu vel stendur Ísland sig í málefnum innflytjenda?
Nýjar tölur frá MIPEX kortleggja stöðu innflytjendamála á Íslandi samanborið við 51 önnur ríki.
MIPEX gerir úttekt á stöðu innflytjendamála (Integration Policy) í ýmsum löndum á 5 ára fresti. Skammstöfunin MIPEX stendur fyrir Migrant Integration Policy Index og um verkefnið sjá the Barcelona Centre for International Affairs (CIDOB, https://www.cidob.org/en/ ) og the Migration Policy Group (MPG, https://www.migpolgroup.com/ ). Úttektin 2020 nær til 52 landa, þ.e. landa Evrópusambandsins auk Ástralíu, Kanada, Íslands, Japan, Suður-Kóreu, Nýja Sjálands, Noregs, Sviss, Tyrklands og Bandaríkjanna.
Í úttektinni eru skoðaðir meira en 100 vísar varðandi 8 þætti sem gefa heildstæða mynd af tækifærum innflytjenda til að taka fullan þátt í samfélaginu. Þeir eru: vinnumarkaður, menntun, fjölskyldusameining, þátttaka í stjórnmálum, ótímabundið dvalarleyfi, ríkisborgararéttur, bann við mismunun og heilbrigðisþjónusta.
MIPEX er mikið notað við stefnumótun og af frjálsum félagasamtökum og rannsakendum. Nýleg google leit sýnir meira en 4.600 skjöl þar sem vitnað var til MIPEX.
Hér að neðan er að finna hlekk sem sýnir stöðu Íslands á MIPEX skalanum:
Heimasíða MIPEX og upplýsingasíður:
http://www.mipex.eu/what-is-mipex
http://www.mipex.eu/who-produces-mipex
https://www.mipex.eu/key-findings
Skjal sem sýnir stigagjöf Íslands og meðaltal í MIPEX 2020
Skalinn skiptir löndum í 10 hópa eftir stigagjöf og er Ísland í 3. hópnum. Heildarstigagjöf Íslands er 56 stig. Til samanburðar má nefna að Finnland og Svíþjoð eru í topp 10 með 85 og 86 stig , Noregur 69 og Danmörk 58 stig.