Upptaka frá ráðstefnunni: Ný sókn gegn kynbundnu ofbeldi og heimilisofbeldi

Fimmtudaginn 25. maí á Hótel Natura Reykjavík og föstudaginn 26. maí í Háskóla Íslands var haldin ráðstefnan: Ný sókn gegn kynbundnu ofbeldi og heimilisofbeldi. Þar var gefið yfirlit yfir hina hröðu og þýðingarmiklu þróun í þeim málum með það að markmiði að efla stefnumótun og bæta þjónustuna við þolendur kynbundins ofbeldis. Ráðstefnan tókst einstaklega vel til en hana skipulögðu Sigurhæðir með stuðningi frá European Family Justice Center Alliance. Auk Sigurhæða stóðu Bjarkarhlíð, Dómsmálaráðuneytið, Félags- og vinnumarkaðsráðuneytið, Heilbrigðisráðuneytið, Jafnréttisstofa, Mennta- og starfsþróunarsetur lögreglunnar, Námsbraut í kynjafræðum við Háskóla Íslands, Ríkislögreglustjóri og Soroptimistaklúbbur Suðurlands að ráðstefnunni.

Óhætt er að vona að ráðstefnan verði til þess að þjónustu við þolendur kynbundins ofbeldis og heimilisofbeldis fari fram á öllum stigum og muni auka þekkingu á ofbeldi, einkennum þess og afleiðingum. En ef að þú hefur ekki séð þér fært að mæta er hægt að nálgast upptökur af ráðstefnunni á vefsíðu Sigurhæða hér.