Umsögn MRSÍ um frumvarp til laga um breytingu á lögum um almannatryggingar

Mannréttindaskrifstofu Íslands hefur borist ofangreint frumvarp til umsagnar. Með frumvarpinu er lagt til að elli- og örorkulífeyrir almannatrygginga fylgi þróun lágmarkslauna nýgerðra kjarasamninga og fari stighækkandi fram til ársins 2018 og verði þá komin í 300 þús. kr. MRSÍ styður frumvarpið og tekur því fagnandi að bæta eigi stöðu þeirra sem þiggja elli- og örorkulífeyri þar sem sá hópur hefur setið eftir í þeim kjarabótum sem hafa átt sér stað fyrir almenning síðustu ár og því orðið tímabært að bregðast við. Réttur manna til sanngjarnra tekna, sem tryggir þeim og fjölskyldum þeirra mannsæmandi lífskjara, er grundvallar mannréttindi sem m.a. eru lögfest í Mannréttindasáttmála Sameinuðu þjóðanna.  

Umsögnina í heild sinni má lesa hér.