Umsögn MRSÍ um frumvarp til laga um breytingu á almennum hegningarlögum (þrenging ákvæðis um hatursorðræðu)

Mannréttindaskrifstofu Íslands (MRSÍ) hefur borist til umsagnar frumvarp til laga um breytingu á almennum hegningarlögum, nr. 19/1940, með síðari breytingum (þrenging ákvæðis um hatursorðræðu). Með frumvarpinu er lagt til að gildissvið 233. gr. a hegningarlaga verði þrengt, að við ákvæðið verði bætt eftirfarandi: enda sé háttsemin til þess fallin að hvetja til eða kynda undir hatri, ofbeldi eða mismunun. Þannig á ákvæðið aðeins að taka til tjáningar sem felur í sér tiltekinn grófleika eða alvarleika.

MRSÍ veltir fyrir sér, ef flokka á þá tegund tjáningar sem ákvæði 233. gr. a tekur til, hvernig staðið skuli að slíku mati og hvort þörf er þessarar viðbótar við ákvæðið. Að mati MRSÍ er háttsemi skv. 233. gr. a alltaf til þess fallin að hvetja til eða kynda undir hatur, ofbeldi eða mismunun, og með því að skilyrða ákvæðið á þennan hátt má ætla að það verði til að flækja ákvæðið og gera erfiðara fyrir að fylgja brotum eftir með saksókn. Sú spurning vaknar og hvort þá þyrfti að sanna ásetning til þess að hvetja til/kynda undir hatri/ofbeldi/mismunun ofan á það að sanna að háttsemi skv. 233. gr. a hafi verið viðhöfð.

Umsögnina í heild má lesa hér.