Flýtilyklar
Hvað er réttlæti fyrir þolendum kynferðisofbeldis og hvaða leiðir eru færar?
Hvað er réttlæti fyrir þolendum kynferðisofbeldis
og hvaða leiðir eru færar?
Hildur Fjóla Antonsdóttir flytur hádegisfyrirlestur á Stígamótum Laugavegi 170, 2. hæð,
fimmtudaginn 12. janúar kl. 12 - 14
Hildur Fjóla sem er doktorsnemi í réttarfélagsfræði mun halda fyrirlestur um forniðurstöður doktorsrannsóknar sinnar um réttlæti og kynferðisofbeldi. Markmið rannsóknarinnar er í fyrsta lagi að að öðlast betri skilning á því hvernig fólk sem hefur verið beitt kynferðisofbeldi lýsir, skynjar og upplifir (ó)réttlæti; og í öðru lagi að kanna hvort, og þá hvernig, sú þekking getur nýst til að þróa leiðir sem geta mætt réttlætisþörfum og -hagsmunum fólks sem hefur verið beitt kynferðisofbeldi, bæði innan og utan refsiréttarkerfisins. Rannsóknin byggir á viðtölum við fólk sem hefur verið beitt kynferðisofbeldi, þ.e. við 35 þátttakendur á Íslandi og 9 í Noregi.
(Fyrirlesturinn er kl. 12-13 og umræður kl. 13-14, fyrir þau sem hafa tækifæri til þess að taka langt hádegishlé)
Verið öll hjartanlega velkomin