Fréttir

Öryrkjabandalag Íslands kynnir: Vissir þú að á Íslandi búa yfir 6.100 börn við skort á fæði, klæði og húsnæði. Sum þeirra eiga bara eitt skópar sem passar. Finnst þér það í lagi? Gakktu eða rúllaðu með okkur á 1. maí.

Opinn fundur á ensku á vegum Mannréttindastofnunar Háskóla Íslands og Íslenskrar erfðagreiningar miðvikudaginn 27. apríl kl 12:00 -13:30 í fyrirlestrasal Íslenskrar erfðagreiningar, Sturlugötu 8.

Nina Burrowes sálfræðingur og einn helsti sérfræðingur Englands á sviði kynferðisbrota heldur fyrirlestur á Stígamótum mánudaginn næstkomandi kl. 12:00.

MÁLÞING MRSÍ OG JAFNRÉTTISSTOFU UM EVRÓPUSAMNING UM FORVARNIR OG BARÁTTU GEGN OFBELDI GEGN KONUM

Skrifstofan styður frumvarpið og telur það grundvallarréttindi að hjónum eða sambúðarfólki sé tryggður sá réttur að halda samvistum áfram ef svo er á statt sem að framan greinir.

Telur skrifstofan það skref í rétta átt svo að samræmis sé gætt í allri lagasetningu, þau samræmist stjórnarskrá og alþjóðasamningum og að komið verði í veg fyrir að á frumvörpum séu lagatæknilegir ágallar. Eins og segir í greinargerð þá er það mikilvægt að tryggja gæði lagasetningar og byggja upp traust á löggjafarvaldinu og er stofnun lagaskrifstofu liður í því.

MRSÍ styður þingsályktunartillöguna heilshugar og telur alþjóðlegt bann við framleiðslu og beitingu sjálfvirkra og sjálfstýrðra vígvéla nauðsynlegt. Slíkar vélar eru gagngert búnar til og beitt til að valda skaða og er því að mati MRSÍ engin ástæða fyrir því að Ísland styðji slíka framleiðslu.

Skrifstofan fagnar frumvarpsbreytingum og styður eindregið tillögu um fjölgun nefndarmanna í kærunefnd útlendingamála og hvetur jafnframt til þess að nefndinni verði tryggt nægt fjármagn svo hún geti unnið sín störf á skilvirkan hátt. Þá telur skrifstofan frumvarpið fela í sér umtalsverða réttarbót fyrir innflytjendur og umsækjendur um alþjóðlega vernd.

Í fyrradag sendi nefnd Sameinuðu þjóðanna um afnám allrar mismununar gagnvart konum tilmæli til íslenskra stjórnvalda um hvað betur má fara í jafnréttismálum hér á landi, og lagði sérstaka áherslu á ofbeldi gegn konum og að fjölga konum í lögreglunni og Hæstarétti.

Í frumvarpinu er lagt til að skilyrðum fjárhagsaðstoðar verði breytt á þann veg að ráðherra gefi árlega út leiðbeiningar um framkvæmd fjárhagsaðstoðar auk viðmiðunarfjárhæða. Þar að auki að skilyrt verði að umsækjandi fjárhagsaðstoðar sé í virkri atvinnuleit.