140. löggjafarþing 2011 - 2012

Með frumvarpinu er núgildandi lögum breytt með þeim hætti að einstæðar mæður sem getið hafa barn með tæknifrjóvgun og einhleypir sem ættleitt hafa barn öðlist jafnan rétt á við aðra foreldra til fæðingarorlofs.

Mannréttindaskrifstofu Íslands hefur borist til umsagnar ofangreint frumvarp um breytingu á lögum um nálgunarbann og brottvísun af heimili. Styður skrifstofan frumvarp þetta enda nauðsynlegt að kæra megi úrskurð héraðsdóms um nálgunarbann og eða brottvísun af heimili til æðri dóms, sem og að kæruheimildin taki jafnt til úrskurðar þar sem fallist hefur verið á slíka kröfu eða henni hefur verið synjað.

MRSÍ fagnar þessar i framkvæmdaáætlun sem er til þess fallin að bæta réttarstöðu og lífsgæði fatlaðs fólks á Íslandi. Sérstaklega skal vísað í áform um bætt aðgengi og algilda hönnun, enda t.d. löngu tímabært að menntastofnanir setji sér viðmið þar að lútandi. MRSÍ hvetur stjórvöld til að tryggja nægilegt fjármagn til að þessi áform verði að veruleika. MRSÍ fagnar jafnframt fyrirhuguðum aðgerðum til að auka atvinnuþátttöku fatlaðs fólks í samræmi við 27. gr. samnings Sameinuðu þjóðanna (Sþ) um réttindi fatlaðs fólks , en hingað til hefur einungis takmarkaður fjöldi þess átt möguleika á atvinnu.

Með frumvarpinu á að breyta lögum um sjúkratryggingar og lyfjalögum. Breytingunum er ætlað að einfalda núverandi greiðsluþátttökukerfi sjúkratrygginga Íslands í lyfjakostnaði einstaklinga ásamt því að auka aðgang að lyfjagagnagrunni til að stuðla að virkara eftirliti m.a. með lyfjanotkun sjúklinga og lyfjaávísunum lækna.

Markmið tillögunar er að frumvarp stjórnlagaráðs til stjórnskipunarlaga fái ítarlega og vandaða meðferð, sem og umsögn þjóðarinnar allrar áður en Alþingi tekur málið til beinnar efnislegrar meðferðar sem frumvarp.

Mannréttindaskrifstofan fagnar því starfi sem fram hefur farið hjá stjórnlagaráði við yfirferð og gerð tillagna að breytingum á stjórnarskrá landsins. Ljóst er að í þeirri vinnu var hverjum steini velt við og mál skoðuð á gagnrýninn hátt. Leitað var eftir áliti sérfræðinga sem og alls almennings. Þær tillögur sem stjórnlagaráð skilaði svo af sér til forseta Alþingis þann 29. júlí sl. eru umfangsmiklar og lagðar eru til breytingar á langflestum ákvæðum núgildandi stjórnarskráar.

Mannréttindaskrifstofu Íslands hefur borist ofangreind þingsályktunartillaga til umsagnar. Í henni felst að velferðarráðherra verði falið í samvinnu við Samband íslenskra sveitarfélaga að koma á reglulegum árlegum heimsóknum í forvarnarskyni sem bjóðist öllum 75 ára og eldri. Markmið þessara heimsókna er að fara yfir alla þætti sem varða heilsu og aðstæður hins aldraða og metið hvort að viðkomandi þurfi á einhverri aðstoð að halda og hvernig best sé að haga henni.

Mannréttindaskrifstofu Íslands hefur borist til umsagnar ofangreint lagafrumvarp um réttindagæslu fyrir fatlað fólk. Tilgangur frumvarpsins samkvæmt greinargerð er að gera fötluðum einstaklingum auðveldara að gæta réttar síns og leita úrræða sé á þeim brotið.

Með framangreindu frumvarpi eru m.a. lagðar til breytingar á 6. tl. 9. gr. laganna hvað varðar varða fjárhæð sekta. Er ástæðan ekki síst sögð sú hækkun sem orðið hefur á sektarrefsingum frá því að ákvæðið var upphaflega sett í lögin.

Mannréttindaskrifstofu Íslands hefur borist til umsagnar ofangreind þingsályktunartillaga um að fela innanríkisráðherra að vinna og leggja fyrir Alþingi frumvarp sem veitir lögreglu rýmri rannsóknarheimildir eða svokallaðar forvirkar rannsóknarheimildir.