Upplýsingar um meginmarkið áætlunarinnar.
Meginmarkið PROGRESS áætlunarinnar er að veita fjármagn til verkefna sem stuðla að markmiðum Evrópusambandsins á sviði jafnréttis-, félags- og vinnumála og hafa verið tilgreind í Lissabon-áætluninni. Hérlendis hefur Velferðarráðuneytið umsjón með Progress.
Markmið Lissabon-áætlunarinnar er að
- Evrópskur vinnumarkaður verði samkeppnishæfari þar sem áhersla er lögð á þekkingariðnað;
- Skapa fleiri og betri störf innan Evrópu;
- Þróa samfélag án mismunar.
Progress-áætlunin skiptist í fimm svið:
- Atvinnumál.
- Bætta vinnuvernd, þar á meðal aukið öryggi á vinnustöðum.
- Stuðning við markmið um félagslega velferð og aukna þátttöku jaðarhópa í samfélagi.
- Jafnrétti kynjanna.
- Aðgerðir gegn mismunun og samfélag án aðgreiningar.
Evrópusambandið hefur tilgreint fimm hópa sem eru í hættu á að verða fyrir mismunun og njóta ekki jafnra tækifæra. Progress-áætlunin styrkir eftirfarandi gerðir verkefna:
- Rannsóknir og greiningar.
- Samstarfsverkefni milli landa.
- Kynningar og verkefni sem leiða til vitundarvakningu í samfélaginu.
- Stuðning við hagsmunaaðila, félagasamtök og stofnanir.
- Fyrirmyndarverkefni.
Sækja um
Tvær leiðir eru mögulegar þegar sótt er um verkefni á vegum Progress:
Calls for Tender: Eins konar verktakasamningar en þá er Evrópusambandið búið að fullmóta hugmynd en leitar eftir aðilum sem vilja framkvæma verkefnið. Þau verkefni eru að fullu greidd af Evrópusambandinu.
Calls for Proposals: Óskað eftir hugmyndum að verkefnum sem uppfylla eiga ákveðið markmið hjá Evrópusambandinu. Umsækjandi hefur nokkuð svigrúm til þess að móta hugmyndir að verkefni.
Þessi verkefni eru styrkt að hámarki 80% af heildarkostnaði verkefnisins. Auglýsingar eftir umsóknum birtast á heimasíðu áætlunarinnar en þar er einnig að finna allar frekari upplýsingar um hana.